懶人部落

趁廸士尼最後一日有萬聖節既裝飾，梗係要同龍龍去玩多次啦～～今次姨姨都陪龍龍一齊玩添～～

但可能遲左出發～～坐車途中龍龍已經好眼瞓，結果就黎到既時候瞓著左．．．見唔到龍龍指住廸士尼個入口大叫添～



由於龍龍瞓緊，所以行左商店先，點知行行下可能有音樂同環境唔同左，龍龍突然成個坐起身，跟住好興奮咁要落地行～～不過好快就又要坐番低～～



行完一出去竟然見到Jack係度影相～～龍龍又係第一時間要過去影相～～不過可能都係未係好精神有小小怕羞，結果到龍龍埋去影相時好多人影龍龍添～



今次去龍龍好有主見，連玩咩都自己諗好哂～影完相就話要射索克天王～玩完因為夠鐘所以霸定位睇巡遊，等緊既時候龍龍仲食左個蛋糕添～～




之後就即刻入去睇米奇金獎，龍龍睇完仲同爸爸講話”好睇”添～

出黎見到既就係龍龍成日都要去既小小世界～～本來諗住睇獅子王既，但問過龍龍之後佢自己揀左要去小小世界，獅子王唯有留番下次再睇啦～～

玩完小小世界行出黎既時候見到轉轉杯，龍龍好快咁即係叫住爸爸話”要玩杯杯”～～好好，唯有又轉下啦，爭ｄ轉到爸爸暈船浪咁．．．



因為夜晚食飯訂位滿左，所以就早ｄ食飯～

點解要ｐｏｓｔ呢張相？因為係龍龍影既～～


食完時其實龍龍都有ｄ累，但因為太想玩所以都係冇瞓到～～

食完個天都有小小黑，媽媽就提議去坐船～～黑黑地真係有ｄ驚．．．．龍龍坐到中途仲驚到要爸爸抱住同合埋眼唔敢望添～～

之後去睇３ｄ～



跟住再睇夜晚既激光巡遊，但可能太累同太黑，龍龍怕到要合埋眼唔敢睇啊～

最後走前同Sally合照～



坐車時累到呢．．．