懶人部落

今日係媽媽第一個唔駛番既星期六，媽媽決定同龍龍去遠ｄ～～去九龍公園玩～～～

不過又由於去咁遠，所以今日出街帶埋車車～～～

去九龍公園中途龍龍已經好興奮，係咁話去大公園（唔知佢點解會知係大公園）～去到當然玩得好開心啦，因為有好多其它小朋友，但其它小朋友就好似冇人理咁，係咁亂衝亂撞又由滑梯下面走番上去，爭ｄ撞到龍龍添～～


行過呢條柱龍龍係咁話好核突，但問佢駛唔駛影相佢又話要，真搞笑～

玩完去左睇雀雀，龍龍都好鍾意睇動物呢，仲同雀雀影左張合影添～～


跟住就去左海港城行～～

先去左City Super等媽媽同姨姨買ｄ野先，點知行行下Supermarket有位姨姨問龍龍夠１０個月大未，真搞笑乜原來龍龍個樣真係咁細咋？？

龍龍都係要食下Tea，不過今次食Triple O既條條，龍龍都好鍾意食～～

之後媽媽本來諗住黎買番ｄ龍龍既清潔用品，點知又裝修喎．．．最後去左行玩具反斗城～～

入到去行行下突然見到一個巫婆行出黎，龍龍第一次真係驚，仲驚到係咁要爸爸抱，抱住之後仲係咁合埋眼唔敢望添～～～好似真係好驚咁啊．．．．

龍龍一見到就話要影相～

最後都係行左一陣就走，不過咁樣都玩左成日，去搭船既時候天色好靚，姨姨就幫爸爸媽媽同龍龍影左一張相～


龍龍夜晚好快就瞓左啦～～