懶人部落

今朝龍龍冇６點起身食奶叫醒爸爸～～

只係突然６點幾係咁郁黎郁去，跟住仲要用個頭頂住張床（向床尾），屁股向天撐起．．．（同爸爸細個一樣，唔怪得個個都話龍龍似爸爸．．）

爸爸不以為意，諗住龍龍反瞓，想醒，所以抱番龍龍埋黎，點知一個反身龍龍又突起個屁股．．．爸爸因為太累所以由得龍龍咁瞓．．．點知慢慢開始聞到陣臭味．．．

爸爸心知不妙．．．即刻拉開龍龍塊片睇下．．．原來真係Ｐｏｏ左．．．唔怪得咁臭．．．臭到爸爸媽媽都醒左～～～

跟住本來諗住同龍龍清理，點知拎左塊毯入黎龍龍又唔肯，跟住問龍龍係咪要用廁所繼續佢話係．．．原來未解決

轉頭抱龍龍出去佢個廁所，龍龍又Ｐｏｏ左好多，唔怪得知瞓唔到～～～好彩最後都知道，唔係一路咁壓住真係唔係幾舒服～～

夜晚爺爺生日，但餐廳太細龍龍唔適合去所以冇去。

食到差唔多完個個都話掛住龍龍，本來諗住上去睇下龍龍，點知婆婆已經抱左龍龍落去行街，所以媽媽就順便接左龍龍黎餐廳等爺爺嫲嫲可以同佢玩下～

走既時候龍龍仲拖住雪瑩表姐隻手一路行添～～～

不過龍龍成晚都好似有ｄ累，所以好早就瞓左啦～～～