懶人部落

今日同龍龍Interview完去左西苑飲茶。

爸爸叫左臘腸卷，媽媽分左小塊包俾龍龍，龍龍食左一啖之後個面色好似好難食，跟手放左係個碗仔度，咁爸爸諗住個包可能太油啦（包臘腸），所以唔好哂夾起放左入口，點知跟住龍龍呆左咁望住爸爸．．．媽媽話原來龍龍放個包係碗仔係諗住推開碟菜再拉個碗仔埋身邊慢慢嘆．．雖然爸爸未咬，仲即刻拎番出黎俾龍龍食，龍龍當然唔食啦（俾我都唔食啦）

之後爸爸係咁道歉，龍龍又好似明咁同我地一齊笑喎，但佢呆左同好震驚個樣真好搞笑～～～～

夜晚爸爸媽媽要同屋企人食飯，本應帶埋龍龍，但婆婆公公好耐冇同佢獨處，所以照原定計劃去婆婆公公度玩，食完飯爸爸媽媽先去接～

食完飯爸爸媽媽行左一陣街，點知突然姨姨打黎”告急”，話龍龍個樣好慘，仲喊左添．．．

上到去龍龍一開門見到爸爸媽媽就開心到係咁笑～～

跟住姨姨播番龍龍喊段片俾我地睇，真係喊得好慘喎．．．



不過好彩爸爸媽媽都買左張好靚既麵包超人椅俾龍龍，即刻開心番哂～～