可能尋日有關關比比同龍龍玩得太開心,玩到癲哂,龍龍今朝瞓到4點幾就走左過黎,仲爬左上爸爸度,搞到爸爸“仔壓床”
因為婆婆公公仲未番,今日由爸爸媽媽帶龍龍番學,龍龍仲好開心添~
放學本來諗住番屋企食飯,點知龍龍行過Pokka Cafe話好想入去食野同好肚餓,於是爸爸媽媽就同龍龍食左野先啦~~龍龍好好胃口,食左好多飯啊~
番屋企龍龍都累,所以爸爸同龍龍沖完涼同玩一陣之後就入左房休息,瞓到差唔多5點半先醒添~
之後就去左金鐘買衫,龍龍見到爸爸媽媽係度試衫都忍唔住問爸爸媽媽幾時到佢試~~
最後龍龍買左2件,爸爸買左2件,媽媽都買左1件衫~~
番到西灣河既時候本來打算去太興食飯,點知行過二記既時候龍龍又突然問點解唔係度食,於是爸爸媽媽又改變原來計劃去左二記食啦....3個人總共叫左4個餸同3碗飯添,最恐佈係都食哂喎~媽媽話爸爸同龍龍兩個都差唔多食左大半條魚啦~~
到夜晚瞓既時候唔知係咪龍龍太累,無端端發脾氣,仲係咁喊,後尾要爸爸媽媽陪佢睇完碟先可以出番去瞓~
全站熱搜
留言列表